Në Akron, një qytet në Ohajon verilindore, natën e 27 qershorit, Jayland Walker, një 25-vjeçar afrikano-amerikan, ndalohet nga policia për një kontroll.

Djali zbret nga makina dhe tenton të arratiset dhe agjentët – janë tetë – fillojnë të qëllojnë me dhjetëra të shtëna në drejtim të tij. Walker vdes, në atë moment ai është i paarmatosur.

Amerika dhe bota mësojnë për historinë e Akronit, sepse një video e asaj që ndodhi u publikua gjatë një konference për shtyp të policisë, e marrë nga kamera e veshur nga një prej agjentëve të përfshirë në operacion. Shefi i policisë tha se oficerët e tij u përpoqën të ndalonin Walker për një shkelje trafiku.

Ai do të ikte me makinë dhe do të niste një ndjekje prej gjashtë minutash ku do të dëgjonin një të shtënë nga makina e tij.

Walker zbriti nga makina në përpjekje për të shpëtuar në këmbë dhe oficerët filluan të qëllonin me breshëri.

Sipas avokatit të familjes së viktimës, burri është qëlluar me 60 plumba. Në makinën e tij u gjet një pistoletë dhe një karikator i plotë.

Ndërsa një gëzhojë e përputhshme me armën u gjet në pikën ku agjentët besojnë se e shtëna e dëgjuar gjatë ndjekjes është qëlluar.

Policia pezulloi tetë policët e përfshirë, në pritje të përfundimit të hetimeve. Një histori që kujton shumë të tjera në historinë e fundit amerikane, duke filluar me atë që ndodhi në Minneapolis në maj 2020 me George Floyd.

Shumë qytetarë të Akronit janë mbledhur në rrugë për të demonstruar kundër policisë dhe për të kërkuar drejtësi.

Në një postim në Twitter, ylli i Nba-së, LeBron James, me origjinë nga Akron, tha se ai lutej për qytetin e tij të lindjes. /GazetaSI