Specialët e Policisë së  Kosovës kanë mbyllur bastisjen në Gorazhdec, aksion që erdhi pas arrestimit të Milorad Gjokoviqit.

Gjokoviq u prangos pas kontrollit dhe bastisjes së Autoritetit të Përkohshëm në Pejë, i cili ndodhet në Gorazhdec, nën dyshimin për krime lufte të kryera në rajonin e Pejës, gjatë vitit 1999.

Me këtë rast, një numër i banorëve u mblodhën në qendër të Gorazhdecit.

Për këtë ngjarje ka folur edhe kryetari i Autoritetit të Përkohshëm të Komunës së Pejës, Millosh Dimitrijeviq, në prononcim për ‘Radio Gorazhdecin’.

Bëhet e ditur se gjatë aksionit një qytetar serb i alkoolizuar ka tentuar të pengojë policinë në kryerje të detyrës, dhe i njëjti është gjobitur me 300 euro dhe i është hequr patenta për 9 muaj.

Policia e Kosovës nuk ka dashur të komentojë këtë rast, por vetëm ka deklaruar se ai ishte në gjendje të alkoolizuar./Radio1