VIDEO | Giresse frymëzohet me këngën për Adem Jasharin

Marsi për Kosovën është i veçantë për faktin se shënohet Epopeja e UÇK-së dhe ditëlindja e Komandantit Legjendar.E duket se edhe trajneri francez, Alain Giresse tashmë është lidhur shumë me historinë e Kosovës dhe në prag të ciklit kualifikues ka filluar të frymëzohet me këngën e komandantit Adem Jashari, derisa mbesat e tij i ka veshur me kostumet tradicionale shqiptare.

**Mbesat e trajnerit Alain Giresse** **të veshura me kostumet tona kombëtare**

Ai në videon e siguruar nga “Futbolli.info” shihet duke vozitur nën ritmin e këngës së Shkurte Fejzës kushtuar komandatit legjendar, teksa ai i ka dërguar një mesazh edhe drejtorit të Kombëtares, Muharrem Sahiti: ‘Përshëndetje Muki, shpresoj të jesh mirë. Shihemi së shpejti. Gjithmonë me Kosovën’.

Giresse ditë më parë dha një intervistë për mediat franceze, ku theksoi se grupi kualifikues i Kosovës nuk është i lehtë, porse do të hyjnë në këtë fushatë me besim se mund të arrijnë kualifikimin në Evropian.