Ushtria ruse ka hyrë sot në qytetin lindor të Kreminit dhe qyteti i afërt Rubizhne është nën zjarrin rus, raporton agjencia France Presse. Ministria e Mbrojtjes e Ukrainës njoftoi se situata në Mariupol, një port në Detin Azov që është nën rrethim nga forcat ruse, është jashtëzakonisht e vështirë, por se qyteti ende mbrohet.

“Një sulm i madh ndodhi gjatë natës”, tha Guvernatori i Luhanskut Sergei Gaidai në faqen e tij në Facebook, duke shtuar se ushtria ruse kishte hyrë në Kremin me një sasi të madhe armësh të rënda pa u tërhequr nga ukrainasit në pozicione të reja, përcjellë Demokracia.com.

Kremina është një qytet me rreth 18,000 banorë që ndodhet në gjysmë të rrugës midis Luhansk dhe Kramatorsk, kryeqyteti ukrainas i Donbass dhe një nga objektivat kryesore ruse në rajon.

Luftëtarët e Azovit publikuan sot një video nga Mariupol.

“Mbrojtja e Mariupolit vazhdon. Megjithë forcat superiore të armikut, luftëtarët e Regjimentit Azov po ndërmarrin kundërsulm”, shkruan ata.

Moska kishte njoftuar më parë se kishte marrë kontrollin e qytetit port jugor pas gati dy muajsh luftime të përgjakshme, transmeton Demokracia.com.

Pas dështimit për të kapërcyer rezistencën ukrainase në veri, ushtria ruse e ridrejtoi ofensivën tokësore në Donbas, ndërsa nisi sulme me rreze të gjatë në objektiva të tjerë, përfshirë kryeqytetin Kiev.

Rusia tha të shtunën se kishte kontrollin e zonave urbane dhe disa luftëtarë ukrainas mbetën në fabrikën e çelikut Azovstal.

Pushtimi i Mariupolit, portit kryesor në rajonin e Donbasit, do të ishte një shpërblim strategjik për Rusinë, duke lidhur territorin e mbajtur nga separatistët pro-rusë në lindje me rajonin e Krimesë, i cili iu aneksua Moskës në 2014. /Demokracia.com/

https://www.youtube.com/watch?v=IbqJif90CD4