Një avion i Tibet Airlines mori flakë pasi doli nga pista në qytetin jugperëndimor kinez të Chongqing, sipas CNN.

Të 113 pasagjerët dhe 9 anëtarët e ekuipazhit u “evakuuan në mënyrë të sigurt”, tha linja ajrore në një deklaratë. Mësohet se 40 pasagjerët pësuan lëndime të lehta dhe janë dërguar në spital.

“Sipas ekuipazhit të fluturimit, avioni ka përjetuar një anomali gjatë ngritjes. Ata kanë ndaluar ngritjen pas procedurave,” tha CAAC. Pasi avioni doli nga pista, motori u përplas në tokë dhe mori flakë.