Një veturë ka goditur një këmbësore në rrugën Prishtinë – Fushë Kosovë.

Lajmin për Demokracia.com e ka konfirmuar zëdhënësja e Policisë së Kosovës për rajonin e Prishtinës Flora Ahmeti, e cila tha se policët janë duke punuar në identifikimin e ngasësit të automjetit të përfshirë në aksident, pasi që i njëjti ka ikur nga vendi i ngjarjes.

“Rreth orës 11:00,  në rrugën Prishtinë – Fushë Kosovë, ka ndodhur një aksident trafiku ku është  përfshirë një  automjet në lëvizje dhe një këmbësore. Si pasoj e aksidentit lëndime trupore ka pësuar këmbësorja e  cila është dërguar për tretman mjekësor. Me rastin po merret njësiti i trafikut, të cilët përveç që po hetojnë  rrethanat  e këtij aksidenti, janë duke punuar në identifikimin e personit/ ngasësit të automjetit të përfshirë në aksident, pasi që i njëjti  ka ikur nga vendi i ngjarjes”, tha Ahmeti./Demokracia.com/