Tre persona janë lënduar si pasojë e një vetëaksidenti në rrugën Prishtinë-Gjilan, përkatësisht në fshatin Slivovë.
Rreth orës 19:30 në rrugën Prishtinë-Gjilan, përkatësisht në fshatin Slivovë, ka ndodhur një vetëaksident ku për pasojë janë lënduar tre persona.
Këtë e ka konfirmuar për Demokracia.com, Flora Ahmeti, zëdhënëse e Policisë së Kosovës për rajonin e Prishtinës.
“Sot rreth orës 19:30, në fshatin Slivovë, ka ndodhë një aksident trafiku, ku një veturë e cila ishte në lëvizje, ka humbur kontrollin dhe ka dalë nga rruga. Bazuar në të dhënat e deritanishme tre persona janë lënduar dhe janë shkaktuar dëme materiale. Personat e lënduar janë dërguar për trajtim mjekësor”, ka treguar Ahmeti.
Sipas saj, me këtë rast është duke u marrë njësiti i trafikut rrugor. /Demokracia.com/