Të reshurat e mëdha të shiut kanë shkaktuar vërshime të ujit edhe në Mitrovicë.
Kryetari i kësaj komune, Bedri Hamza, ka deklaruar se situata është e menaxhueshme dhe se janë marrë të gjitha masat e nevojshme.
“Brenda kapaciteteve tona jemi duke i marrë të gjitha masat e nevojshme, ku kemi mobilizuar të gjithë operatorët e nevojshëm dhe së bashku me ta jemi në terren. Reshjet e dendura kanë bërë që niveli i ujit në lumenjtë e qytetit të Mitrovicës të rritet dhe kjo ka shkaktuar një situatë serioze prandaj jemi duke e vëzhguar situatën nga afër”, ka deklaruar ai.
Sidoqoftë, në qendër të qytetit të Mitrovicës, sipas pamjeve të siguruara nga Klan Kosova, janë parë dy qytetarë duke lundruar me barkë.