Blerim Vela, shefi i stafit të presidentes Vjosa Osmani, ka tentuar që të shfajsohet për deklaratat e mëhershme, ku siç e tha edhe Asociacioni i Gazetarëve të Kosovës, përdorte gjuhë të rrezikshme dhe të papranueshme ndaj mediave.
Vela përmes një shkrimi tjetër në Twitter, ka pretenduar se reagimi i tij nuk ka të bëjë me mediat, derisa në fund, “i ka inkurajuar që ta zbërthejnë se kush janë porositësit e dezinformatave”.
“Media të nderuara, reagimi im ka të bëj me të gjithë si të dezinformuar, porse jo me mediat, të cilat janë të drejtën e tyre për raportim të lirë. Mediat e lira janë themel i demokracisë. Unë inkurajoj që ta zbërthejnë mëtej kush janë porositësit e dezinformatave.” – ka shkruar ai.
Ndërkohë, Asociacioni i Gazetarëve të Kosovës (AGK), deklaratën e Velës e ka cilësuar si sulme ndaj mediave.
Media të nderuara, reagimi im ka të bëj me shpërndarësit e dezinformatave, porse jo me mediat, të cilat e kanë të drejtën e tyre për raportim të lirë. Mediat e lira janë themel i demokracisë. I inkurajoj që ta zbërthejnë mëtej kush janë porositësit e dezinformatave.
— Blerim Vela (@Blerim_Vela) March 30, 2023