Organizatorët e Kupës së Botës në Katar kanë njoftuar se një roje sigurie ka vdekur pasi pësoi një rënie të rëndë në stadiumin Lusail pas përplasjes çerekfinale mes Argjentinës dhe Holandës.

CNN ka konfirmuar se John Njua Kibue, një 24-vjeçar kenian, kishte qenë në detyrë për ndeshjen dhe u rrëzua nga kati i tetë i stadiumit, duke pësuar “një lëndim të rëndë në kokë”, transmeton Demokracia.com.

Ndeshja u zhvillua të shtunën më 10 dhjetor, me Kibue që humbi jetën tragjikisht tre ditë më vonë (e martë 13 dhjetor) në njësinë e kujdesit intensiv në Spitalin e Përgjithshëm Hamad në Doha.

Komiteti Suprem i Katarit lëshoi ​​një deklaratë duke konfirmuar vdekjen.

Aty thuhej: “Të shtunën më 10 dhjetor, John Njau Kibue, një roje sigurie në stadiumin Lusail, pësoi një rënie të rëndë gjatë detyrës”.

“Ekipet mjekësore të stadiumit shkuan menjëherë në vendngjarje dhe ofruan trajtim urgjent përpara se ai të transferohej në njësinë e kujdesit intensiv të spitalit Hamad Medical me ambulancë”.

“Me keqardhje ju njoftojmë se me gjithë përpjekjet e ekipit mjekësor, ai fatkeqësisht ndërroi jetë në spital të martën më 13 dhjetor, pasi ishte në reanimacion për tre ditë”, thuhej tutje./Demokracia.com/