Televizioni turk TRT ka zhvilluar një bisedë të shkurtë me oficerin e FSK-së, Egzon Syla në jug të Turqisë ku edhe po kryhen aksionet e kërkim-shpëtimit për viktimat e tërmetit.
Syla ka thënë se kanë arritur në Turqi me vonesë për shkak të trafikut ajror, dhe tregoi më tej se nga kush përbëhet ekipi i FSK-së, derisa ka thënë se po bashkëpunojnë edhe me një ekip turk.
“Unë jam oficeri Egzon Syla. Kemi ardhur nga Kosova me njësitë tona ushtarake menjëherë si morën lajmin me miratimin e presidentes tonë. Arritëm pak vonë për shkak të trafikut ajror. Kemi dy ekipe ushtarake dhe dy qen K-9 të kërkimit, së bashku me ekipin e mjekëve. Momentalisht po punojmë me ekipin turk AKUT, të cilët na kanë ndihmuar shumë. Ne gjetëm shumë njerëz të enjten dhe po vazhdojmë edhe sot. Jemi shumë të pikëlluar për këtë fatkeqësi dhe po mundohemi dhe shpresojmë të bëjmë më të mirën tonë. Trupat tonë kanë kryer aksione të kërkim-shpëtimit dy herë në situata të njëjta në Shqipëri, dhe ajo përvojë na ka ndihmuar shumë edhe këtu. Me dëshirën e Zotit, ne do ta kryejmë me sukses këtë aksion”, ka thënë Syla në turqisht për TRT-në.
View this post on Instagram
