Kur sëmuremi zakonisht na largohet dëshira për të ngrënë, por për të fituar imunitet duhet të jemi të ngopur kështu që duhet ushqyer shëndetshëm, shkruan Demokracia.com

Këtu është një listë e ushqimeve më të mira për të ngrënë kur jeni i sëmurë për një shërim të shpejtë, si dhe ushqimet që duhet të shmangni.

 Ushqimet që duhet ngrënë janë këto:

1.Ujë dhe lëngje

Temperatura, të përzierat, diarreja dhe të vjellat mund të çojnë në humbje të konsiderueshme të lëngjeve dhe dehidrimit.
Pirja e ujit në sasi të konsiderueshme do të ndihmojë në mbajtjen e trupit të hidratuar dhe mund të parandalojë lodhjen që shpesh është si rezultat i dehidrimit.

2.Supa

Supat treten lehtë dhe llogariten si burim kryesor për marrje të lëngjeve. Përpos kësaj ato na mbajnë të ngopur dhe ndihmojnë në përmirësimin e imunitetit tonë.

Një supë e pasur me perime është ideale për ditët kur jemi të sëmurë.

3.Çajra bimorë

Çajrat e nxehtë mund të ndihmojnë në lehtësimin e mbingarkesës. Çajrat qetësues si kamomili mund të jenë veçanërisht qetësues dhe mund të ndihmojnë në pushimin, i cili do të ndihmojë gjithashtu në procesin e shërimit.

Shumë çajra bimorë përmbajnë gjithashtu veti antioksiduese dhe anti-inflamatore, të cilat mund të mbështesin trupin ndërsa sistemi imunitar punon për të kapërcyer sëmundjen. Plus, çaji gjithashtu llogaritet në marrjen e lëngjeve për t’ju ndihmuar të hidratoheni.

4.Mjaltë

Kollitja mund të shkaktojë irritim dhe pezmatim të fytit tuaj, dhe mjalti mund të ndihmojë në qetësimin e tij nga dhimbja, kruarja ose tharja. Mjalti gjithashtu ndihmon në uljen e frekuencës dhe ashpërsisë së kollitjes.

Merrni parasysh shtimin e mjaltit në një pije të nxehtë siç është çaji, i cili mund të ndihmojë në përmirësimin e shëndetit tuaj.

5.Xhenxhefil

Xhenxhefili është një nga ushqimet më të mira për të ngrënë kur jeni i sëmurë falë vetive të tij antivirale, antibakteriale dhe anti-inflamatore. Xhenxhefili është përdorur për qindra vjet për të trajtuar sëmundjet.

Gjithashtu është një ilaç i zakonshëm në shtëpi për të përzierat dhe sëmundjet e stomakut.

Përveç çajit të xhenxhefilit, provoni të shtoni rrënjë xhenxhefili të freskëta në mjaltë, supa ose gjella.

6.Smoothie

Smoothiet janë një mënyrë e shkëlqyeshme për të siguruar vitaminat që i nevojiten trupit tuaj duke përzier pemë dhe perime të ndryshme. Pirja e një smoothie mund t’i sigurojë trupit tuaj sasi të mjaftueshme të proteinave, yndyrës dhe karbohidrateve për t’ju mbajtur me energji ndërsa jeni i sëmurë.

Tani që dini se çfarë të hani kur jeni i sëmurë, nga cilat ushqime është më mirë të qëndroni larg?

Në përgjithësi, ushqimet kryesore për të shmangur kur sëmureni përfshijnë:

ushqime te skuqura

ushqime pikante

gjëra me sheqer

Megjithëse të shijshme, këto ushqime nuk do t’i sigurojnë trupit tuaj lëndët që i duhen për të luftuar sëmundjen./Demokracia.com