Rusia njoftoi mëngjesin e sotëm se Ukraina hodhi një raketë drejt Moskës dhe sulmoi Krimenë me 42 drone.
Ky është një nga sulmet ajrore më të mëdha të koordinuara të Ukrainës në territorin e kontrolluar nga Rusia deri më tani.
Forcat ruse të mbrojtjes ajrore shkatërruan 42 dronë të lëshuar nga Ukraina mbi gadishullin e Krimesë dhe një raketë mbi rajonin e Kaluga-s të premten herët, tha Ministria ruse e Mbrojtjes.
Ministria tha se nëntë dronë u shkatërruan nga forcat e mbrojtjes ajrore, ndërsa 33 u çaktivizuan dhe u rrëzuan mbi Krime pa arritur objektivat e tyre. Rusia aneksoi gadishullin nga Ukraina në vitin 2014.
⚡️Overnight explosions were heard in Russia’s #Kaluga and Tula regions. #Moscow airports temporarily suspended operations.
The Russian Defence Ministry said an improved S-200 missile was allegedly detected and destroyed over the Kaluga region. pic.twitter.com/knMffae1w2
— KyivPost (@KyivPost) August 25, 2023
Mikhail Razvozhaev, guvernatori i qytetit port të Sevastopolit në Krime, njoftoi në Telegram se disa dronë u shkatërruan mbi Kepin Chersonesos në periferi të Sevastopolit.
Më herët, Ministria e Mbrojtjes njoftoi se kishte rrëzuar një raketë të lëshuar nga Ukraina mbi rajonin Kaluga, i cili kufizohet me rajonin e Moskës.
Nuk ka raporte të menjëhershme për viktima apo dëme në sulmet, për të cilat Rusia ka fajësuar Ukrainën. Aeroportet ruse pezulluan fluturimet për disa orë.
Numri i dronëve të lëshuar nga Ushtria e Ukrainës ishte një nga më të mëdhenjtë në një seri sulmesh të ngjashme.
Ukraina pothuajse kurrë nuk e merr publikisht përgjegjësinë për sulmet brenda Rusisë ose në territorin e kontrolluar nga Rusia në Ukrainë, por ka thënë muajt e fundit se shkatërrimi i infrastrukturës ushtarake ruse po i ndihmon kundërofensivës së Kievit.