Kreu i Agjencisë Atomike të Kombeve të Bashkuara, Rafael Grossi ka hedhur poshtë pretendimet e Rusisë se Ukraina po kërkon që të pajiset me armë bërthamore.
Deklarata e tij vjen pasi ministri i Jashtëm rus, Sergei Lavrov tha se qeveria e presidentit ukrainas, Volodymyr Zelensky ka nisur “lojëra të rrezikshme lidhur me planet për të blerë armët e tyre bërthamore”, përcjell Demokracia.com.
Megjithatë, siç raportojnë mediat amerikan, ai nuk ka paraqitur asnjë provë për pohimet e tij.
Ukraina ra dakord në vitin 1994 që t’i dorëzonte armët e saj bërthamore Rusisë si pjesë e një marrëveshje që supozohej të garantonte sigurinë e vendit, përcjell Demokracia.com.
Deri në vitin 1996, Ukraina ia dorëzoi Rusisë të gjitha këto mjete luftarake dhe përfundoi në vitin 2001 me dorëzimin e automjetit të saj të fundit strategjik të dërgesës bërthamore.
Grossi shtoi se agjencia e OKB-së, e cila ka të drejta të gjera inspektimi në Ukrainë, nuk kishte parë asnjë aktivitet të pakëndshëm.
“Çështja për ne është shumë e qartë. Ne nuk kemi asnjë informacion që do të vinte në dyshim kredencialet e Ukrainës. Ne nuk kemi asnjë informacion se ka ndonjë devijim të materialit, ndonjë material të padeklaruar ose aktivitet që çon në zhvillimin e armëve bërthamore”, ka thënë ai./Demokracia.com/