Negociatori ukrainas Mykhailo Podolyak, me anë të një postimi në Twitter, ka hedhur poshtë pretendimin e palës ruse, se një marrëveshje mes dy vendeve që mund t’i japë fund luftës ishte shumë afër.
Podolyak shpjegoi se një lëvizje e tillë e gënjeshtërt nga Moska, bëhet me qëllim provokimin e tensionit në media dhe se qendrimi i Kievit mbetet i pandryshuar, raporton BBC.
“Kërkojmë tërheqje trupash, garanci sigurie dhe armëpushim”, tha ai.
Negociatori i Moskës Vladimir Medinsky tha më herët se të dy palët janë “në gjysmë të rrugës” për të rënë dakord për çështjen e çmilitarizimit të Ukrainës dhe pikëpamjet e tyre janë më të lidhura me neutralitetin e Ukrainës dhe heqjen dorë nga bashkimi me NATO-n.
