UEFA po përgatitet ta godasë Juventusin me përjashtim nga garat evropiane për shkak të fitimeve të supozuara të supozuara kapitale.

Mediumi “La Gazzetta dello Sport” zbulon se si UEFA e ka vëzhguar me sukses situatën rreth turbullirave legale të “Bianconeri” në vitin e fundit, ndërsa e ka kryer hetimin e saj rreth praktikave financiare të klubit, duke marrë dokumente të panumërta nga zyra e Prokurorisë Publike e Torinos.

Juventusit iu kthyen 15 pikë së fundmi pasi u ankua n CONI në një sukses të pjesërishëm të Bardhezinjve në aspektin sportiv.

Por, UEFA është optimiste se vendimet legale do të merren në Itali në fund të qershorit, ndërsa planifikon të lëvizë edhe vetë nëse gjërat zgjasin më shumë se që pritej.

Ajo që e rrezikon më së shumti Juventusin është “fair-play” financiar.

Në shtatorin e vitit 2022, klubi italian u dënua me 3,5 milionë euro nga UEFA për shkeljen e këtyre rregullave, ndërsa e nënshkruan marrëveshje të ndryshme në bazë të së cilave do t’i shpëtonin dënimit prej 19,5 milionë eurosh.

Ndërsa tash, torinezët janë në qendër të tentimit nga Prokuroria Publike e Torinos dhe nga Federata Italiane e Futbollit pikërisht për shkak të bilancit financiar.

Nëse Juventusi dështon të kualifikohet në Ligën e Kampionëve, në Ligën e Evropës apo në Ligën e Konferencës, do t’i shpëtonte përjashtimit nga UEFA, e cila do t’i lejonte ata që ta presin sistemin e drejtësisë italiane.

Kjo do të ishte problematike për “Bianconeri” megjithatë, pasi një përjashtim i mundshëm nga garat evropiane mund të shtyhej për sezonin 2024-25, përcjell “Gazeta Express”.

Nëse “Zonja e Vjetër” e siguron një vend për garat evropiane në fund të këtij edicioni, UEFA do ta bënte një lëvizje, pra do të dilte me një vendim në fund të korrikut ose në fillim të gushtit.

Përjashtimi nga këto gara është një opsion i mundshëm, për faktin se marrëveshja e pranimit të fajësisë në shtator të vitit të kaluar ishte bazuar pikërisht në bilancet e dyshimta.