Aubrey Plaza ka ndarë së fundmi për të gjithë momentin kur vendosi t’i jepte fund beqarisë. Aktorja 37-vjeçare u martua me regjisorin Jeff Baena, 44 vjeç, në fillim të këtij viti, por lajmin e ndau me botën disa muaj më vonë teksa iu referua regjisorit si burri i saj.

Aubrey ka zbuluar se ajo dhe Jeff, të cilët kanë qenë bashkë që nga viti 2011, vendosën të martoheshin teksa ndodheshin në shtëpinë e tyre në izolim. Ajo tregoi se gjetën një zyrtar nëpërmjet internetit dhe brenda dy orëve shkëmbyen zotimet e tyre. “U mërzitëm pak një natë dhe u martuam”, tha ajo.

Aktorja shpjegoi se si një shaka për 10 vjetorin e tyre bëri që të martoheshin gjatë karantinës. “Unë thjesht thashë: “Hej, është përvjetori ynë i 10-të, duhet të bëjmë diçka të veçantë”, dhe bëra shaka për martesën ndërsa ai tha: “Epo, ndoshta nuk mund të martoheshim kaq shpejt”.