Sulmuesi anglez Phil Foden, është rikthyer në ekip pasi mori leje urgjente për të qenë me familjen e tij gjatë Euro 2024.

Foden u largua nga kampi i Anglisë në Gjermani të mërkurën për atë që ekipi e quajti një “çështje të ngutshme familjare”, siç thuhet lindja e fëmijës së tij të tretë.

Anglia aludoi për këtë me një postim të mirëseardhjes të premten që përfshinte një emoji të një fëmije.

“Urime dhe mirë se erdhët përsëri”, tha ekipi në një postim në X (ish-Twitter), së bashku me një video që tregon Foden duke ecur drejt një fushe stërvitje me shokun e skuadrës Jarrod Bowen.

Lojtari i sezonit në Premier League i nisi të tria ndeshjet në fazën e grupeve të Euros dhe pritej të ishte në formacionin startues për ndeshjen e 1/16-tës kundër Sllovakisë në Gelsenkirchen të dielën, shkruan AP.