Pesë anije të tjera janë larguar nga portet e Ukrainës duke transportuar misër dhe grurë, tre nga Chornomorsk dhe dy nga Pivdennyi, sipas një marrëveshjeje për eksportin e grurit të ndërmjetësuar nga OKB-ja, tha të martën Ministria e Mbrojtjes e Turqisë.

Ai shtoi se katër anije të tjera të destinuara për në Ukrainë do të inspektoheshin të martën nga qendra e përbashkët e koordinimit, e krijuar nga Rusia, Turqia, Ukraina dhe Kombet e Bashkuara në Stamboll, shkruan Reuters, transmeton Klankosova.tv.

Një nga anijet që u nis të martën ishte “Brave Commander”, duke transportuar ngarkesën e parë të ndihmave ushqimore humanitare nga Ukraina për në Afrikë që nga pushtimi i Rusisë, treguan të dhënat e Refinitiv Eikon.