Turqia ka nisur sulme ajrore në një zonë në veri të Sirisë të kontrolluar nga rebelët kurdë, tha organizata Vëzhguesi Sirian i të Drejtave të Njeriut (SOHR).

“Një avion luftarak turk ka goditur pozicionet ushtarake të Forcave Demokratike Siriane (SDF) në rajonin Ain Issa”, njoftoi organizata.

Ky është sulmi i parë që nga “Operacioni Pranvera e Paqes” – një fushatë ushtarake që Turqia e ndërmorri në vitin 2019 kundër SDF-së në Sirinë veriore.

Atëbotë operacioni u pezullua pas dy marrëveshjeve të negociuara nga Ankaraja së pari me Shtetet e Bashkuara dhe më pas me Rusinë, që lejoi Turqinë të merrte kontrollin e një “zone të sigurt” brenda Sirisë rreth 120 kilometra të gjatë dhe 32 kilometra në brendësi të territorit.

Megjithatë zona në Ain Issa, mbeti në duart e forcave kurde, trasnmeton rel.

Tym mbi qytetin Ariha në provicën e Idlibit, pas një sulmi ajror nga forcat e presidentit, Bashar al-Assad. 5 shkurt, 2020.

Organizata tha më 21 mars se sulmet ajrore turke ndodhën në të njëjtën ditë kur u shënuan përleshje të armatosura midis forcave të SDF-së dhe fraksioneve të mbështetura nga Turqia. Raportohet se ka pasur edhe viktima.

“Përplasjet midis të dyja palëve kanë vazhduar për 24 orët e fundit”, tha drejtori i SOHR, Rami Abdul Rahman.

Forcat kurde siriane konsiderohen nga Turqia të jenë një “degë terroriste” e Partisë së jashtëligjshme të Punëtorëve të Kurdistanit.

Por, ata gjithashtu kanë qenë një aleat kryesor për Shtetet e Bashkuara dhe të tjerët në betejën kundër grupit të Shtetit Islamik në Siri.