Organi rregullator i medias elektronike të Turqisë ka ndaluar hyrjen në faqet e internetit në gjuhën turke të medias shtetërore amerikane, Zëri i Amerikës (VoA) dhe medias shtetërore gjermane, Deutsche Welle (DW).
Në këtë mënyrë agjencia rregullatore zbatoi vendimin e djeshëm të gjykatës në Ankara për kufizimin e qasjes në faqet e internetit të dy mediave.
“Mediat e licencuara për të operuar në Turqi duhet të fshijnë përmbajtjet në internet që konsiderohen të papërshtatshme nga Këshilli i Lartë i Radios dhe Televizionit (RTÜK). Kjo është thjesht e papranueshme për një transmetues të pavarur. DW do të ndërmarrë veprime ligjore kundër bllokadës aktuale”, tha CEO i DW, Peter Limburg.
RTÜK, son 6 ayda KRT TV, Tele1, Halk TV, Flash TV ve FOX TV’ye toplamda 10 milyon lira ceza kesti.
RTÜK üyesi İlhan Taşcı: "Bu aslında basın özgürlüğüne vurulan bir darbedir"https://t.co/RE885elZG6 pic.twitter.com/EpdSaYGgsM
— ANKA Haber Ajansı (@ankahabera) July 1, 2022
Anëtari i RTÜK nga Partia Popullore Republikane opozitare, Ilhan Taşci, deklaroi se kundërshton vendimin e bllokadës. “Këtu është liria e medias dhe demokracia e përparuar”, njoftoi Tasci në Twitter.
Sindikata e Gazetarëve Turke e quajti vendimin e RTÜK-së censurë dhe se këshilli duhet të ndalojë “ndalimin e çdo gjëje që nuk i pëlqen”.
Organizata ndërkombëtare Reporterët pa Kufij e rendit Turqinë në vendin e 149 nga 180 në Indeksin e saj Botëror të Lirisë së Medias.
Organizata thotë se në Turqi, “të gjitha mjetet e mundshme përdoren për të penguar kritikat”, duke përfshirë konfiskimin e kartave të shtypit, censurën e internetit, paditë dhe arrestimet.
