Trupat britanike që ndihmuan me stërvitje në Ukrainë do të largohen nga vendi këtë fundjavë, tha ministri i forcave të armatosura britanike, James Heappey, pasi paralajmëroi se Rusia mund të nisë sulmin “në çdo moment”.

Heappey tha se numri i vogël i personelit të Mbretërisë së Bashkuar të dërguar për të trajnuar trupat ukrainase mbi raketat antitank do të tërhiqej, së bashku me rreth 100 që do të ndihmonin me trajnimin më të gjerë të trupave si pjesë e Operacionit Orbital.

Britania, së bashku me të gjithë aleatët e tjerë të NATO-s, ka thënë se nuk do të luftojë kundër asnjë sulmi rus.

“Nuk do të ketë trupa britanike në Ukrainë nëse do të ketë një konflikt atje. Ata do të largohen gjatë fundjavës”, tha Heappey.

Inteligjenca perëndimore frikësohet se skenari më i mundshëm, në rast konflikti, është se forcat ruse do të kryejnë një sulm rrufe që synon të rrethojë Kievin, një qytet me më shumë se 3 milionë banorë, dhe të përpiqet të detyrojë një ndryshim të regjimit. Si hap i parë, forcat e Moskës do të synonin të degradonin me shpejtësi ushtrinë e Ukrainës në një sulm rrufe.

Por forcat e SHBA-së dhe Britanisë së Madhe po grumbullohen në Poloni për të ndihmuar në sigurimin e mbështetjes për vendin e Evropës Lindore dhe për të ndihmuar nëse ka një lëvizje masive të refugjatëve në rast të një pushtimi. Të premten, SHBA tha se do të dërgonte 3,000 trupa të tjera në Poloni

Të shtunën, presidenti amerikan, Joe Biden, do të flasë me Vladimir Putin me telefon në një përpjekje për të zgjidhur krizën, raporton Guardian, transmeton Klankosova.tv.