Trupat me duar të lidhura janë zbuluar nga një vend varrimi masiv në qytetin e çliruar të Izyum, në rajonin verilindor të Kharkiv të Ukrainës, sipas një zyrtari rajonal.

“Ne gjendemi në vendin e varrimit masiv të njerëzve, civilëve që u varrosën këtu, dhe tani sipas informacioneve tona ata kanë të gjithë shenjat e vdekjes së dhunshme”, tha nga zona, Oleg Synegubov, guvernatori i rajonit të Kharkiv, transmeton Telegrafi.

“Ka trupa me duar të lidhura pas (shpinave të tyre). Çdo fakt do të hetohet dhe do të vlerësohet siç duhet dhe ligjërisht”, shtoi ai.

Al Jazeera nuk mundi të verifikonte në mënyrë të pavarur pretendimin e Synegubov. Nuk kishte asnjë koment të menjëhershëm mbi komentet e tij nga Rusia.

Ukraina ka akuzuar forcat e Moskës për kryerjen e një sërë krimesh lufte gjatë ofensivës së tyre, duke përfshirë torturimin dhe vrasjen e civilëve në pjesë të ndryshme të vendit – akuza që Rusia i ka quajtur në mënyrë rutinore si të rreme.