Pasi vendosi tarifat ndaj vendeve të ndryshme të botës, Donald Trump tha se është i hapur për negociata me vendet e tjera.

Por, kjo do të varej nga fakti nëse ato kishin diçka “të jashtëzakonshme” për të ofruar në këmbim.

Duke folur me gazetarët në Air Force One, Trump gjithashtu përsëriti qëndrimin se vendet e tjera kanë përfituar prej kohësh nga SHBA-ja dhe ai dëshiron që kjo të ndalet.

“Tarifat na japin një fuqi të madhe për të negociuar. Çdo vend na ka telefonuar”, deklaroi lideri amerikan, shkruan skynews.

I pyetur se çfarë do të duhej për ta shqyrtuar mundësinë e tërheqjes, Trump shtoi se “nëse dikush do të thoshte se do të na jepte diçka që është aq e jashtëzakonshme, për sa kohë që ata po na japin diçka të mirë”.

Ndryshe, SHBA-ja i vendos tarifa doganore edhe Kosovës, e cila përfshin shifrat prej 10 për qind.