Policia e Kosovës ka njoftuar se janë raportuar tri raste të dhunës në familje në 24 orët e fundit, shkruan Demokracia.com.
Sipas raportit të policisë, mbrëmë në Prishtinë është arrestuar një i dyshuar, pasi i njejti dyshohet se ka ushtruar dhunë fizike kundër bashkëshortes.
Viktima ka marrë tretman mjekësor, ndërsa me urdhër të prokurorit i dyshuari është dërguar në mbajtje.
“Prishtinë 28.02.2021 – 22:00. Është arrestuar një i dyshuar mashkull kosovar pasi i njëjti dyshohet se ka ushtruar dhunë fizike ndaj viktimës femër kosovare (bashkëshortes së tij).Viktima është udhëzuar për urdhër mbrojtje dhe ka marrë tretman mjekësor. Me urdhër të prokurorit i dyshuari është dërguar në mbajtje”, thuhet në raportin e policisë.
Policia njofton se dje në Gjakovë pas një mosmarrëveshjeje në mes dy meshkujve familjarë, ka ardhur deri tek përleshja fizike.
Të dyshuarit janë dërguar në mbajtje për 48 orë, njofton policia
“Gjakove 28.02.2021 – 17:00. Pas një mosmarrëveshje verbale ka ardhur deri tek përleshja fizike ndërmjet tre të dyshuarve meshkuj kosovarë, relacioni familjare në mes tyre . Pas intervistimit me urdhër të prokurorit tre të dyshuarit dërgohen në mbajtje për 48 orë”, thuhet në raport.
Rasti i tretë i dhunës në familje, siç njofton policia, ka ndodhur në Skenderaj, ku burri ka ushtruar dhunë fizike kundër gruas së tij.
Sipas raportit thuhet se viktima ka pësuar lëndime trupore dhe është dërguar në tretman mjekësor.
“Skenderaj 28.02.2021 – 04:00.Është arrestuar një i dyshuar mashkull kosovar pasi që i njëjti ka ushtruar dhunë fizike ndaj viktimës kosovare (bashkëshortes së tij).Viktima ka pësuar lëndime trupore dhe është dërguar për tretman mjekësor në spitalin rajonal në Mitrovicë. Me urdhër të prokurorit i dyshuari është dërguar në mbajtje”, përfundon raporti./Demokracia