Tre persona janë lënduar si pasojë e një aksidenti mes dy veturave në rrugën “Bill Klinton” në Prishtinë.
Rastin për Demokracia.com e ka konfirmuar zëdhënësja e Policës së Kosovës për rajonin e Prishtinës, Flora Ahmeti.
“Rreth orës 21:00 kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar tre persona”, tha Ahmeti.
Ajo tha më tej se me rastin po merret njësiti i trafikut./Demokracia.com/