Të paktën tre persona kanë vdekur, përfshirë dy oficerë policie, dhe disa të tjerë u plagosën në tre sulme me armë në Rusi. Sipas mediave të huaja, persona të armatosur hapën zjarr në një sinagogë, një kishë ortodokse dhe një komisariat policie në Dagestanit, në rajonin e Kaukazit të Veriut.

Trembëdhjetë persona u plagosën në sulmet, citohet të ketë thënë ministria e brendshme. Sipas mediave ruse, një oficer dhe një prift u vranë kur qëlluan ndaj një sinagoge dhe një kishe në Derbent, shtëpia e një komuniteti të lashtë hebre në Kaukazin e Jugut dhe një vend i trashëgimisë botërore të UNESCO-s.

“Njerëz të paidentifikuar qëlluan në një sinagogë dhe një kishë me armë automatike,” tha ministria e brendshme. Një polic u vra dhe një u plagos. Sinagoga ishte në flakë pas sulmit, thanë agjencitë ruse të lajmeve. Më pas sulmuesit u larguan me një makinë.

Një tjetër oficer policie u vra në një shkëmbim të shtënash në një postë policie në Makhachkala, rreth 125 km në veri përgjatë bregut të Detit Kaspik dhe qytetit kryesor në Dagestan, një rajon kryesisht mysliman në Rusinë jugore.