“Sot, në 32 vjetorin e grevës së minatorëve të Trepçës, kujtojmë me respekt luanët e nëntokës, të cilët me rezistencën e tyre arritën të krijojnë solidaritet e unitet popullor në tërë Kosovën… 32 vite pas, përveç se të kujtojmë tërë këtë sakrificë, duhet të punojmë pandalshëm që minatorët tanë të punojnë në kushte të dinjtetshme e të vlerësohen si duhet për punën e tyre”.

Kështu shkruante më 20 shkurt të vitit 2021, UD e Presidentes së Kosovës, Vjosa Osmani, për grevën e urisë së mintorëve të Trepçës që nisi më 20 shkurt 1989 kundër heqjes së Autonomisë së Krahinës së Kosovës nga Serbia, shkruan Demokracia.com.

Por, 34 vite më vonë, pra 3 vite pas premtimit të Osmanit “që minatorët tanë të punojnë në kushte më të dinjitetshme e të vlerësohet si duhet për punën e tyre”, minatorët e Trepçës po përballen me qasjen aspak humane të Qeverisë së Kosovës, që drejtohet nga kryeministri Albin Kurti.

Prej gati tre muajsh (qershor, korrik dhe gjysma e gushtit) mintorët e Trepçës nuk kanë marrë rrogat e tyre mujore.

Në këtë situatë të rënduar ekonomike, minatorët e Trepçës kanë hasur në arrogancën e Qeverisë Kurti, e cila deri më tani nuk e ka zgjidhur problemin.

Lexo më shumë:

Hipokrizia e VV-së: Vizitojnë Ujmanin, kundërshtojnë QUINT-it, por ua ha “maca gjuhën” për minatorët e Trepçës

Kurti gjen kohë t’i takojë pa arsye punëtorët e kryeministrisë, por nuk pranon të shkojë te minatorët e Trepçës

Dikur fjalë të mëdha për investime, tash i lë pa rroga: Si po i trajton Kurti minatorët e Trepçës?

REAGIMET E SHUMTA PËR INCIDENTIN NË AEROPORTIN E SHKUPIT DHE HESHTJA JONJERËZORE E VJOSA OSMANIT PËR MINATORËT E TREPÇËS

Disa herë dhe për disa ditë me radhë, Presidentja e Kosovës, Vjosa Osmani, ka reaguar lidhur me incidentin në aeroportin ndërkombëtar të Shkupit, i cili sipas autoriteteve maqedonase ka ndodhur për fajin e të parës së shtetit të Kosovës.

Madje, në njërën nga reagimet, ajo ka akuzuar kryeministrin Kurti për propagandë kundër Republikës së Kosovës, pasi në konferencën e përbashkët me homologun maqedonas, Hikstjan Mickoski, ai nuk i kishte besuar rrëfimit publik të Osmanit, por kërkoi që të pritej raporti zyrtar nga autoritetet maqedonase.

Lexo më shumë:

Maqedonia lë fajtore Osmanin, as Kurti nuk i kishte besuar rrëfimit të Presidentes për incidentin në aeroportin e Shkupit

Me shumë vonesë Osmani tregon anën e rrezikshme të Kurtit se është në gjendje të propagandojë kundër shtetit të Kosovës

Jo vetëm kaq, por Osmani ka gjetur kohë të reagoi edhe për zhvillimet ndërkombëtare, por kurrsesi të reagojë edhe për gjendjen e rënduar të minatorëve të Trepçës, të paktën për t’iu dhënë mbështetje publike, ashtu si dikur kur kërkonte votën e tyre. /Demokracia.com/

Lexo më shumë:

Presidentja Osmani kërkon armëpushim në Gaza, por s’e thotë asnjë fjalë për minatorët e Trepçës që s’kanë marrë paga gati që tre muaj

Demokracia