Kërkohet një evolucion brenda projektit të Jürgen Klopp në Liverpool pasi sulmuesi Sadio Mane do të largohet këtë verë.

Reprezentuesi senegalez lë një zbrazëti në sulmin e Liverpoolit, pavarësisht nga cilësia e tyre.

Mane do të duhet të zëvendësohet nëse do të përfundojë transferimin e tij prej 30 milionë funtesh te Bayern Munich.

Janë zbuluar tre lojtarët që mund të kërkojë Klopp për të zëvendësuar Sadio Mané, transmeton Demokracia.com.

Darvin Nuñez

Sulmuesi uruguaian Darëin Nuñez është vendosur si një nga shënjestrat më të nxehta sulmuese të Evropës këtë sezon. 22-vjeçari i shënoi 34 gola nga 38 ndeshje të luajtura në Primeria Liga dhe Champions League këtë sezon, duke rënë në sy të klubeve më të mira në botë.

Nuñez ka qenë me Benfican për dy sezone tani dhe besohet se ka tërhequr interesin e Manchester United së bashku me Liverpool. Virgil Van Dijk së fundmi e përshkroi atë si një nga kundërshtarët më të ashpër me të cilin është përballur dhe me aftësinë e tij për të luajtur si në krah ashtu edhe në mes, ai mund të jetë zëvendësuesi i përsosur i Mané.

Gabriel Martinelli

Jürgen Klopp prej disa vitesh është një fans i madh i Gabriel Martinellit. Pas transferimit të brazilianit nga Ituano në Arsenal në vitin 2019, Klopp ishte i fascionuar pas të riut, duke e etiketuar atë një “talent të shekullit”.

Një ofertë e madhe do të kërkohet nga Liverpool për të larguar Martinellin nga Arsenali. 20-vjeçarit sapo i është dorëzuar numri 11 nga ekipi i Emirates Stadium dhe është kontraktuar me klubin deri në qershor 2024. Megjithatë, presioni i pamëshirshëm dhe aftësia e tij për të krijuar diçka nga asgjëja e bën atë shumë të përshtatshëm për profilin e sulmuesit që kërkon Klopp.

Harry Kane

Një njeri emri i të cilit nuk i shpëton kurrë thashethemeve të transferimeve është ai i Harry Kane të Tottenham Hotspur. Kapiteni i kombëtares së Anglisë duket i kënaqur te Spurs për momentin pas emërimit të Antonio Contes dhe kualifikimit në Champions League, por ai ka të ngjarë ta ketë të vështirë të refuzojë një lëvizje te Liverpool.

Përsëri, kjo do të ishte e shtrenjtë. Megjithatë, për të zëvendësuar në mënyrë adekuate një lojtar të kalibrit të Sadio Mane, Liverpoolit do t’i duhet të shpenzojë shumë para. Ai është një lloj sulmuesi shumë i ndryshëm nga lojtarët ofensivë që Jürgen Klopp ka aktualisht në dispozicion, por padyshim që do t’i lartësonte Reds pas mangësive të tyre në Premier League dhe Champions League këtë sezon./Demokracia.com/