Mesfushori i Milanit, Sandro Tonali, pësoi një dëmtim në ndeshjen miqësore që kombëtarja e tij, Italia, e zhvilloi mbrëmë ndaj Shqipërisë në “Air Albania”.

Tonali u rrëzua me kokë në tokë në këtë ndeshje, ku fillimisht u duk sikur do të ishte një dëmtim tejet i rëndë për të.

Sigurimet fillimisht erdhën pasi testet konfirmuan se Tonali kishte shmangur një dëmtim të madh dhe ai u drejtua vetë në rrjetet sociale për të konfirmuar shëndetin e tij.

Duke shkruar mbrëmë në Instagram, Tonali tha: “Jam mirë. Dhe unë jam krenar që jam pjesë e këtij grupi. Nga kjo Itali”.

Një përgjigje pozitive nga mesfushori 22-vjeçar, për të cilin disa tifozë sugjeruan se nuk duhej të ishte përfshirë as në miqësore pas një fillimi të ngjeshur të sezonit me Milanin.

Gianluca Di Marzio raporton se mesfushori kuqezi tani është tërhequr nga kampi stërvitor i Italisë në Coverciano, që do të thotë se ai nuk do të marrë pjesë në miqësoren kundër Austrisë.

Kujtojmë që 22-vjeçari ka bërë 19 paraqitje në Serie A dhe Champions League këtë sezon për Milanin, duke shënuar një gol dhe duke dhënë pesë asistime.

Padyshim që gjendja e mirë e lojtarit do të jetë një lajm pozitiv për trajnerin e kuqezinjve, Stefano Piolin, ku Tonali është një nga futbollistët më të përdorur nga ai.

.@Azzurri, Sandro #Tonali in buone condizioni dopo l’infortunio, ma lascerà il ritiro di #Covercianohttps://t.co/1jqviVrMeQ

— Gianluca Di Marzio (@DiMarzio) November 17, 2022