Ministri i Mbrojtjes, Armend Mehaj ka njoftuar edhe për një sukses tjetër të radhës të ushtarëve të FSK-së.

Mehaj përmes një postimi në Facebook, ka shkruar se rreshter Besart Kasumi nga Qendra Ndërkombëtare e Trajnimeve të Kërkim Shpëtimit (QNTKSH) zuri vendin e tretë, në garën e skijimit në Kampin ndërkombëtar “Winter Camp Slovenia 2022”.

Ministri gjithashtu njoftoi se në këtë kamp përveç Besart Kasumit ishte edhe Falmur Kajtazi.

Postimi i plotë:

Edhe një sukses i madh i radhës së ushtarakëve tanë.

Dy nënoficerët tanë Besart Kasumi dhe Flamur Kajtazi morën pjesë në Kampin ndërkombëtar “Winter Camp Slovenia 2022”, në mesin e 44 garueseve ushtarakë nga shtete anëtare të NATO-së.

Pas përfundimit të Kampit Dimëror ndër aktivitete të ndryshme ishte dhe gara e skijimit në disiplinën e sllallomit të madh në skijimin alpin.

Në konkurrencë shumë të madhe, rreshter Besart Kasumi nga Qendra Ndërkombëtare e Trajnimeve të Kërkim Shpëtimit (QNTKSH) zuri vendin e tretë.