Sulmuesi kosovar Egzon Fazliu me anë të një postimi në “Facebook”, ka njoftuar se është larguar nga skuadra e Drenicës, shkruan Demokracia.com.
Ai ka falënderuar trajnerët që e kanë përkrahur dhe tash ka synime të tjera në karrierën e tij.
“Faleminderit Drenicë për këto 2 vite e gjysmë! Nga sot dua të iu informoj që jam lojtarë i lirë dhe kam ndarë rrugët me klubin e vendlindjes sime. Së pari dua t’i falënderoj trajnerët Fadil Rama dhe Bledar Devollin që besuan në mua edhe pse i ri në moshë, bashkëlojtarët që më kanë përkrahur në çdo formë.
Ai bëri të ditur se në ditët në vijim do të dihet klubi i tij i ri.
“Klubit të Drenicës i uroj suksese në të ardhmen, ndërsa për të ardhmen time gjatë këtyre ditëve do të informoheni”. /Demokracia.com