Barcelona për shkak se ka humbur gjasat moti kohë për të triumfuar në La Liga këtë edicion nuk po gjenë përkrahje të madhe nga tifozët e saj në stadiumin “Camp Nou”.
“Katalunasit” janë duke u përballur sonte me Celta Vigon në kuadër të javës së 36-të kampionale në stadiumin “Camp Nou”, shkruan Demokracia.com.
Sipas raportimeve dhe pamjeve, shihet një numër jo i madh i të pranishmëve në stadium në përkrahje të klubit katalunas.
Thuhet se të pranishëm në shkallët e stadiumit “gjigant” janë rreth 45 mijë tifozë, që i bie se as gjysma e kapacitetit që posedon stadiumi nuk është i mbushur.
Stadiumi i Barcelonës ka kapacitet prej 99 mijë e 354 ulësve dhe në këtë sfidë nga pamjet duket më shumë i boshatisur sesa i mbushur me mbështetës.
Rezultati aktual është 0:0 kur po rrjedh minuta e 29-të e ballafaqimit./Demokracia.com/