Thierry Henry e ka përdorur Manchester United si shembull për të sugjeruar pse Mikel Artetas po i mbaron koha për të provuar veten te Arsenali.

Edhe pse Man United po kalon aktualisht një nga seritë e tyre më të këqija, ata prapëseprapë arritën të arrijnë në pesë finale të mëdha në pesë vitet e fundit.

Ata fituan edhe Kupën Carabao nën drejtimin e Erik ten Hag, përveç Kupës FA.

“E kuptoj që në fillim për Artetën që vjen dhe nuk është skuadra jote, të duhen të paktën tre ose katër afate kalimtare për të ndryshuar gjithçka që dëshiron”, shpjegoi Henry.

“Duhet kohë dhe duhet t’i japësh kohë një trajneri që të jetë në gjendje të zbatojë atë që dëshiron të bëjë. Tani, për tri vitet e fundit, Arsenali ka qenë në një situatë ku duhet të kishte fituar të paktën një kupë ose një finale”.

“Manchester United ka luajtur në pesë finale në pesë vitet e fundit, United me të cilin të gjithë qeshin, ndërsa Arsenali në tri vitet e fundit të ndërtimit, nuk ka arritur në një finale”.

“Pra, e kuptoj kur njerëzit bëjnë pyetjen: ‘Sigurisht që duhet të garosh për një trofe?’”.

“Nuk po them se jam i zhgënjyer me Arsenalin, por është normale që njerëzit po ngrenë pyetje tani për atë që po bën skuadra”, ka shtuar më tej legjenda franceze.