Këngëtari The Weeknd ka dhuruar një milion dollarë për të ndihmuar Etiopinë.

Këngëtari i “Blinding Lights”, 31 vjeç, njoftoi në Instagram të dielën se ai bëri partneritet me Programin Botëror të Ushqimit SHBA për të dhuruar 1 milion dollarë për lehtësimin e urisë në vendin e Afrikës Lindore, ku ka trazira midis qeverisë në Addis Ababa dhe rajonin Tigray.

“Zemra ime thyhet për njerëzit e mi të Etiopisë teksa civilët e pafajshëm duke filluar nga fëmijë të vegjël deri tek të moshuarit po vriten pa kuptim dhe fshatra të tërë po zhvendosen nga frika dhe shkatërrimi”, shkroi djali i lindur në Toronto nga dy emigrantë etiopianë, transmeton Demokracia.com.

“Unë do të dhuroj 1 milion dollarë për të siguruar 2 milion vakte përmes Programit Botëror të Ushqimit të Kombeve të Bashkuara dhe për të inkurajuar ata që gjithashtu mund të japin”.

Sipas NPR dhe Reuters, konflikti i vazhdueshëm në Etiopi, i cili filloi në nëntor të vitit 2020 pasi qeveria rajonale filloi një rrethim në shkallë të plotë në një bazë ushtarake në Sero, ka rezultuar në mijëra vdekje, ndërsa më shumë se 2 milion njerëz janë zhvendosur nga luftimet.

Shumë qytetarë kanë ikur në vendet fqinje, përfshirë Sudanin, për t’i shpëtuar dhunës.

Kjo nuk është hera e parë që këngëtari dhuron ndihma për të tjerët. Në qershor të vitit 2020 The Weeknd dhuroi një milion dollarë për lehtësimin e Covid-19. Në të njëjtin muaj, në mes të protestave kombëtare të padrejtësisë racore pas vdekjes së George Floyd, ai dhuroi 200 mijë dollarë në Black Lives Matter Global Network, ndërsa dy muaj më vonë, këngëtari i “Save Your Lots” dha 300,000 dollarë Global Aid për Libanin pas shpërthimit vdekjeprurës në Bejrut. /Demokracia.com/