Deri më tani, 15 persona janë në spital dhe 39 raste janë raportuar në 18 shtete, bëri me dije Qendra amerikane për Kontrollin dhe Parandalimin e Sëmundjeve (CDC).

Karotat organike të shitura në dyqanet ushqimore në të gjithë SHBA-të janë tërhequr pas një shpërthimi të E. coli që ka vrarë një person.

Deri më tani, 15 persona janë në spital dhe 39 raste janë raportuar në 18 shtete, bëri me dije Qendra amerikane për Kontrollin dhe Parandalimin e Sëmundjeve (CDC).

Tërheqja mbulon karotat e shitura nga Grimmway Farms tek emrat e mëdhenj të supermarketeve, duke përfshirë Trader Joe’s, Whole Foods’s 365, Target’s Good & Gather, Walmart’s Marketside, Wegmans dhe të tjerë.

Zyrtarët thonë se produktet e prekura ka të ngjarë të mos jenë më në dyqan, por mund të jenë ende në shtëpi dhe duhet të hidhen ose të kthehen në dyqane për rimbursim.

Shumica e personave të infektuar jetojnë në New York, Minesota dhe Washington, të ndjekur nga Kalifornia dhe Oregon.

CDC tha se karotat organike të tërhequra ishin të disponueshme për t’u blerë nga 14 gushti deri më 23 tetor.

Përveç heqjes së çdo produkti të tërhequr, CDC shtoi se njerëzit duhet të pastrojnë dhe dezinfektojnë çdo sipërfaqe që mund të kenë prekur.

Simptomat e E. coli përfshijnë spazma të rënda në stomak, diarre e të vjella dhe zakonisht fillojnë tre deri në katër ditë pas gëlltitjes së baktereve.

Shumica e njerëzve shërohen pa trajtim, por disa mund të kenë probleme serioze me veshkat dhe duhet të shtrohen në spital.

Rastet e E. coli të lidhura me karotat vijnë pas një tjetër shpërthimi të profilit të lartë në SHBA, lidhur me qepët e copëtuara në disa burgera të McDonald’s Quarter Pounder, e cila bëri që 104 persona të sëmuren.

Administrata Amerikane e Ushqimit dhe Barnave (FDA) tha më parë se një person vdiq në tetor dhe 34 njerëz ishin pranuar në spital në lidhje me atë shpërthim.