Nesër pritet të mbahet seanca e tetë konstituive e Kuvendit të Kosovës, tentativa e gjashtë për të zgjedhur kryeparlamentare, kandidaten e Lëvizjes Vetëvendosje, Albulena Haxhiun.

Emri i deputetës së Vetëvendosjes, Albulena Haxhiu është bërë “mollë sherri” që institucionet e vendit të mos krijohen ende dhe Kosova rrezikon të humbasëmiliona euro nga Plani i Rritjes së BE-së. Kështu, nesër do të jetë tentativa e tetë që të hidhet në votim emri i kandidatit për kryeparlamentar, të cilin Vetëvendosjes ka thënë se nuk na ndryshojnë dhe mbetët i njejti.

Kuvendi i Kosovës ka lëshuar një komunikatë zyrtare në të cilën konfirmohet se nesër në ora 10 mbahet seanca e radhës konstituive.

Kujtojmë se as nga partitë e tjera, PDK, LDK e AAAK nuk ka ndryshuar qëndrimi.

Ndërkohë, sa i përket partisë fituese, në këtë rast Lëvizjes Vetëvendosje, nuk ka asnjë emër tjetër për këtë pozitë.

“Propozimi për Haxhiun si kryetare të Kuvendit nuk ndryshon”, tha ministri në detyrë i Financave, Hekuran Murati më 25 prill.

Njësoj janë deklaruar edhe deputetë të tjerë të VV-së të cilët vazhdimisht po fajësojnë ish-partitë opozitare për bllokim të konstituimit të Kuvendit.

Rreth situatës aktuale politike në vend, kryeministri i dorëhequr i Kosovës, Albin Kurti nuk ka komentuar asnjëherë – madje injorimi i tij ndaj gazetarëve të cilët vazhdimisht raportojnë nga Kuvendi, ka vazhduar që nga seanca e parë konstituive.

Sekretarja e Përgjithshme e PDK-së, Vlora Çitaku  tha se kjo parti nuk ka ndryshuar qëndrim.

Njëjtë janë deklaruar edhe nga LDK-ja. Deputetja Hykmete Bajrami  tha se nuk ka asnjë ndryshim, madje as nuk do të ketë.

Të njëjtin qëndrim mban edhe AAK-ja.

“S’është figurë unifikuese”,Kurti s’heq dorë nga Haxhiu, opozita s’’ia voton as nesër

Seancat e kaluara kanë zgjatur krejt pak, ku është bërë propozimi i Haxhiut është hedhur në votim dhe seanca ka përfunduar si e dështuar për shkak të mos arritjes së mbledhjes së 61 votave për Haxhiun.

Kësisoj kryesuesi i seancës, Avni Dehari vazhdimisht ka njoftuar për shtyrje të seancave prej 48 orëve, derisa mbetet të shihet nëse nesër do t’u jepet drita jeshile formimit të institucioneve apo deputetëve do t’u duhet të vazhdojnë të mblidhen vazhdimisht.

Madje në lidhje me këtë situatë së fundi u kërkua edhe ndërhyrja e presidentes Vjosa Osmani- që të gjendet një zgjidhje.