Ylli kinez i tenisit Peng Shuai thuhet se është shfaqur si mysafir në një turne tenisi në Pekin.

Një gazetar i medias shtetërore postoi një videoklip në rrjetin social “Twitter “ që tregon Peng, 35, duke buzëqeshur ndërsa qëndronte me zyrtarët dhe tha se ishte nga mëngjesi i së dielës, shkruan BBC, transmton Demokracia.com.

Megjithatë, zyrtarët ndërkombëtarë të tenisit thonë se nuk mjafton për të zbutur shqetësimet e tyre për mirëqenien e saj.

Peng nuk ishte parë që kur ajo bëri akuza për sulm seksual kundër një ministri të lartë dy javë më parë.

Siguria e saj është bërë një çështje shqetësimi ndërkombëtar, duke përfshirë Serena Williams dhe Naomi Osaka, që iu bashkuan thirrjeve nga qeveritë dhe zyrtarët e tenisit që kërkojnë të dinë se ajo është e sigurt.

Një video e publikuar të dielën nga redaktori i Global Times – një organizatë mediatike e lidhur me qeverinë kineze – tha se Peng ishte “në ceremoninë e hapjes së një finale të ndeshjes së tenisit për adoleshentët”, që raportohet të jetë finalja e tenisit të rinj të Fila Kids Challenger./Demokracia.com/

Peng Shuai showed up at the opening ceremony of a teenager tennis match final in Beijing on Sunday morning. Global Times photo reporter Cui Meng captured her at scene. pic.twitter.com/7wlBcTMgGy

— Hu Xijin 胡锡进 (@HuXijin_GT) November 21, 2021