Qasja në uebfaqet e Komunave të Kosovës, mbetet veç tentativë.
Me kësi problemi ekzekutivët lokalë po përballen tash e 2 vjet, e ato kulmuan dy javët e fundit.
Pavarësisht gjetjes së alternativave, kjo po u nxjerr jo pak telashe zyrtarëve komunalë.
Madje, po u rrezikohet edhe plotësimi i dokumentacionit për Grantin e Performancës 2022.
Rifunksionalizimi i faqeve të internetit nuk dihet sa merr kohë, pasi Agjencia e Shoqërisë e Informacionit s’ka mirëmbajtje valide e iu ka skaduar kontrata me operatorët e mirëmbajtjes.
Komunat tash shpresat i kanë tek një sistem i ri i uebsajtit, që urojnë të jetësohet sa më parë. Nga ASHI-ja sikur edhe Ministria e Pushtetit Lokal, nuk kthyen përgjigje.