Këngëtari i njohur turk, Ibrahim Tatlises, i ka mbijetuar sot (e enjte) një aksidenti të rëndë në qytetin Bodrum të provincës Mugla në jugperëndim të Turqisë.

Ikona e muzikës, i cili pësoi lëndime kur minibusi në të cilin ndodhej dhe një kamion u përplasën, u largua me ambulancë nga spitali ku ishte trajtuar për disa orë.

Ambulanca që e bartte 70-vjeçarin, e përcjellë nga automjetet që e shoqëronin, shkuan në restorantin ku ai pritet të ngjitet në skenë.

Siç transmeton En Son Haber, mjeku kryesor i spitalit ku ka qëndruar artisti, ka deklaruar se gjendja e përgjithshme shëndetësore e tij ishte e mirë dhe se kishte vetëm fraktura në kockat e shputës (metatarsale).

Ndërkohë, pesë persona kanë mbetur të lënduar si pasojë e aksidentit ku ishte përfshirë edhe legjenda e muzikës turke.

Kujtojmë se Tatlises vite më parë ishte në prag të vdekjes kur një person kishte shtënë me armë në drejtim të tij.

Araçlar yanmaya başladı… Ölümden döndü!

İbrahim Tatlıses trafik kazası geçirdi!https://t.co/PSgbYfRbke#ibrahimtatlises pic.twitter.com/Y2rzNoaMko

— SonKaleİzmir (@sonkaleizmir) August 25, 2022