Tashmë kemi edhe dy “rrjedhje të reja” rreth Galaxy S25.

Ato vijnë nga Ice Universe, duke na dhënë detaje të reja rreth ndryshimeve të supozuara të dizajnit të Galaxy S25 Ultra, shkruajnë mediat e huaja, përcjell Telegrafi.

Shkurtimisht, S25 Ultra mund t’i nënshtrohet një riparimi shumë më të madh të dizajnit nga sa e kishim parashikuar fillimisht.

Si fillim, është raportuar se “skajet me katrorë” në S24 Ultra janë zhdukur, duke u zëvendësuar nga qoshe të rrumbullakosura që të kujtojnë Galaxy Note 7 të shkuar, por jo të harruar.

Për më tepër, spekulohet se S25 Ultra do të ketë një trashësi të trupit prej 8.4 mm, duke e bërë atë modelin më të hollë Ultra në vite.

Për referencë, S21 Ultra në S23 Ultra janë 8,9 mm të trasha, ndërsa Galaxy S24 Ultra është 8,6 mm.

Një tjetër thashetheme e fundit dhe shumë befasuese në lidhje me Galaxy S25 është se Samsung mund të jetë duke kërkuar të heqë chipset Qualcomm në favor të MediaTek.

Kjo do të ishte mjaft e paprecedentë, por me Snapdragon 8 Gen 4 që pritet të jetë procesori më i shtrenjtë, është e mundur që Samsung ta bëjë këtë për të shmangur një rritje çmimi.