Njerëzit në Tajlandë tani mund të rrisin bimë kanabisi në shtëpi dhe ta shesin atë, pasi shteti hoqi marihuanën nga lista e narkotikëve të ndaluar.

Ata janë kombi i parë që përparon një lëvizje të tillë në Azinë Juglindore, një rajon i njohur për ligjet e rrepta të drogës.

Por, përdorimi rekreativ është ende i ndaluar, edhe pse avokatët thonë se lehtësimi në mënyrë efektive dekriminalizon marihuanën, shkruan BBC, transmeton Klan Kosova.

Qeveria shpreson që zhvillimi i një tregtie lokale të kanabisit do të nxisë bujqësinë dhe turizmin. Madje po u jep qytetarëve një milion fidanë kanabis për të inkurajuar marrjen e tyre.

“Është një mundësi për njerëzit dhe shtetin që të fitojnë të ardhura nga marihuana dhe kërpi”, tha Anutin Charnvirakul, zëvendëskryeministër dhe ministër i shëndetësisë, në llogaritë e tij në rrjetet  sociale muajin e kaluar.

Ai ndau një foto në Facebook të një pjate me pule të gatuar me kanabis, duke shtuar se kushdo mund ta shesë atë lloj ushqimi nëse zbaton rregullat – kryesorja është që produktet duhet të përmbajnë më pak se 0.2% tetrahidrokanabinol (THC), përbërësi që u jep përdoruesve atë ndjenjë “të lartë”.

Nga e enjtja, familjet do të jenë në gjendje të kultivojnë deri në gjashtë bimë kanabisi në shtëpi nëse regjistrohen pranë autoriteteve, dhe kompanitë gjithashtu mund ta kultivojnë bimën me leje.

Edhe personat që dalin për të ngrënë jashtë, do të mund të porosisin ushqim dhe pije me kanabis nëpër restorante.