Gazetari dhe analisti, Valon Syla, ka reaguar në Facebook me rastin e lirimit nga pozita anëtarët e Ekipit Menaxhues që prezantuan të martën në Bruksel draft-statutin e Asociacionit.

Syla në Facebook ka uruar përkrahësit e kryeministrit, Albin Kurti për “Zajednicën” si dhe ka kujtuar protestat e dhunshme të VV-së që kundërshtonin Asociacionin.

“Sa të shamen e kemi hongër prej juve kur ju ndërsejshin komesarët politik të Vetëvendosjes, për Zajednicë. A po ju kujtohet?” – ka shkruar Syla.

“Sa aktivisti vdiq i Vetëvendosjes me parulla kundër ‘Zajednicës’ në dorë. Sa e sa mikun e keni humb. Me sa vllezër jeni hongër për rrena të Albin Kurtit. Sa dhëndrin e motrën e keni përzënë nga shtëpija për rrena politike e sa kojshitë i keni kqyr shtremt e mërrolt për këto punë, para mahalles, te lifti e te furra tu ble bukë.” – ka shkruar ndër të tjera ai.