Gazetari Valon Syla ka folur për qeverisjen e Lëvizjes Vetëvendosje, një vit pasi kjo parti fitoi zgjedhjet me 50,3% të votave,
Syla në Pressing të T7 e ka quajtur Qeverinë Kurti II, “Qeveri të rrencave dhe të llaskucëve”.
Ai ka numëruar çështjet e çmimeve, të pensioneve, rrogave, pandeminë, shëndetësinë, energjetikën e disa çështje të tjera për të cilat tha se doli e kundërta.
“Shkurt, kisha thënë që Qeveria Kurti II është Qeveria e rrencave edhe llaskucave. E rrencave në kuptimin se krejt çka ka thënë Albin Kurti 20 vjet opozitë, prej çmimeve, negociatat, pensionet, rrogat, punësimi i farefisnisë, pandemia, energjetika, shëndetësia ka dalë krejt kundër, pra ka rrejtë. Dhe llaskuca që s’ka mbetur njeri i të gjitha sistemeve pa ju kapur pas bishtit Albin Kurtit, për t’u bërë pjesë e këtij 50,3 përqindëshi që na e solli 14 shkurti”, ka thënë Syla.