Kanë përfunduar dy ndeshjet e para të javës së 27-të të Superligës së Kosovës në futboll.

Malisheva e ka mposhtur Prishtinën, me rezultat 1-0, të premten pasdite në një nga sfidat kryesore të kësaj fundjavë.

Skuadra nikoqire mjaft mirë e nisi duelin me prishtinasit dhe pas vetëm dy minutave përmes Donart Vitijes shënoi golin e vetëm dhe të fitores për Malishevën. Kurse asisti ishte i Laurent Xhylanit.

Ky duel solli edhe disa raste tjera nga të dy skuadrat, megjithatë, gola më nuk kishte.

Pas kësaj fitore, Malisheva ka 44 pikë aq sa edhe Ballkani në pozitën e dytë, kurse, Prishtina mbetet e katërta me 35 sosh.

Me rezultat identik, ka fituar edhe Drita në udhëtim tek Feronikeli ’74.

Arb Manaj (45’), realizoi golin e fitores për Dritën e cila tani ka 60 pikë në krye të tabelës duke bërë hapin e madh në garën për titull të kampionitkurse, kurse, Nikli ’74 është e fundit me vetëm 14 sosh.