Tre të dyshuar janë arrestuar të martën në Gjilan për rrahjen e një personi më 16 maj në Ranillug.

Policia ka njoftuar se rasti kishte ndodhur rreth orës 01:40 në këtë fshat pas një mosmarrëveshjeje çasti.

Të arrestuar janë N.A., 27-vjeçar, M.A., 32-vjeçar dhe S.T., 36-vjeçar.

“Arrestimi i tyre është bërë pasi që janë siguruar dëshmi të arsyeshme se tre të dyshuarit, dyshohet se me datën 16.05.2025 rreth orës 01:40 në fshatin Ranillug pas një mosmarrëveshje të çasti kanë sulmuar fizikisht viktimën, duke e goditur me mjetë të fortë dhe shkaktuar viktimës lëndim të rëndë trupor”, thuhet në raportin e Policisë.

Tre të dyshuarit pas intervistimit në prezencë avokatëve mbrojtës, me vendim të prokurorit, janë dërguar në mbajtje për 48 orë.