Bordi i Trepçës ka reaguar për sulmin ndaj u.d. së Udhëheqësit të Njësisë Biznesore Minierat me Flotacion Trepça Stan Terg, Bahri Karaça, dy ditë më parë.
Në reagimin e Bordit të Trepçës thuhet se kanë mbajtur mbledhje të jashtëzakonshme të premten, ku kanë diskutuar për këtë veprim dhe kanë shprehu indinjatën, duke e quajtur akt të ulët në ambientin e punës.
Ndër të tjera në reagim thuhet se e kanë dënuar ashpër sulmin fizik ndaj zotëri Karaça dhe kanë mirëpritur ndërmarrjen e masave të shpejta nga organet e rendit.
Postimi i plotë:
BORDI MBIKËQYRËS I PËRKOHSHËM I DREJTORËVE DHE MENAXHMENTI I TREPÇA SH.A
Lajmi i trishtë për sulmin ndaj ushtruesit të detyres se Udhëheqësit të Njësisë Biznesore Minierat me Flotacion Trepça Stan Terg, z. Bahri Karaça, me datën 10/11/2023 Bordin Mbikëqyrës i Drejtorëve dhe Menaxhmenti i Trepca Sh.A ka mbajtur mbledhjen e jashtëzakonshme për të diskutuar këtë veprim dhe për të shprehur indinjaten tonë për këtë akt të ulët në ambientet e punës.
I gjithë Bordi i Drejtorëve dhe Menaxhmenti i urojmë shëndet dhe kthim sa më parë të z.Karaça në vendin e punës si dhe bashkëndjejmë me familjen e tij për këto ditë sfiduese.
Ne, Bordi i Drejtoreve dhe Menaxhmenti dënojmë ashpër sulmin fizik ndaj z.Karaça dhe mirëpresim ndërmarrjen e masave të shpejta nga organet e rendit për këtë veprim. Sjelljet e tilla nuk përkojnë me punëtorin tonë dhe me vlerat, vizionin e misionin që në aspirojmë ti ndërtojm në ndërmarrjen Trepca Sh.A, e aq më pak kur sjelljet e tilla kryhen në vendet e punës.
Siguria dhe mirëqenia e punonjësve të Trepçës janë prioriteti ynë kryesor. Ne qëndrojmë të bashkuar kundër çdo forme dhune apo dëmi që u shkaktohet punonjësve tonë dhe ju sigurojmë që jemi shumë të përkushtuar të punojmë me zell për të eliminuar akte të tilla nga vendi ynë i punës dhe për të nxitur një mjedis që mbështet parimet e respektit, bashkëpunimit dhe profesionalizmit.