Pagesa të mëdha të paautorizuara dhe pa kontrollë  mund të bëhen edhe në iPhone të kyçur. Duke shfrytëzuar kështu një veçori të Apple Pay, të  krijuar për të ndihmuar udhëtarët të paguajnë shpejt në barrierat e biletave të cilat mundësojnë pagesa me Visa.

Në një video, studiuesit demonstruan kryerjen e një pagese përmes Visa-së pa të dhëna kontaktues, prej 1000 £ nga një iPhone i kyçur.

Apple tha se çështja ishte “një shqetësim për një sistem Visa”.

Visa tha se pagesat ishin të sigurta dhe sulmet e këtij lloji ishin jopraktike jashtë një laboratori, raporton BBC përcjellë Demokracia.

Problemi, thonë studiuesit, vlen për kartat Visa të vendosura në formën ‘Express Transit’ në portofolin e një iPhone.

“Express Transit” është një veçori e Apple Pay, e cila u mundëson udhëtarëve të bëjnë pagesa të shpejta pa të dhëna dhe e pa shkyçur telefonin e tyre, për shembull prekjen dhe daljen në barrierën e biletave të metrosë në Londër.

Ken Munro, një studiues i sigurisë për Pen Test Partners, i cili nuk ishte i përfshirë në kërkim, i tha BBC -së nuk ka më nevojë për kodin e kartës, por vetëm për një kuti të vogël elektronike që mund të transmetojë transaksionin mashtrues diku tjetër.

“Ndoshta shqetësimi më i madh është për një telefon të humbur ose të vjedhur. Mashtruesi nuk ka pse të shqetësohet për t’u vënë re nga të tjerët ndërsa kryen sulmin.” tha ai.

Studiuesit e universitetit gjithashtu thanë se sulmi mund të jetë më i lehtë për tu kryer në një iPhone të vjedhur./Demokracia.com/