Gazetari kosovar, Ridvan Berisha, ka publikuar në llogarinë e tij disa foto nga Klinika e Ortopedisë në Qendrën Klinike Universitare të Kosovës ku shihet një numër i madh i njerëzve duke pritur për të marrë shërbim.

Gazetari Berisha me ironi e ka thënë se s’është protestë por janë të gjithë pacientë e njerëz që kanë nevojë për shërbime që kanë ardhur në Prishtinë.

“Nuk është proteste, janë nevojtare, paciente nga e gjithë Kosova te ardhur ketu ne Prishtine! Me te vërtetë keq, bëni diçka ju lutem!

Rrefime pacientesh, thone se me jave te tera jane duke pritur per nje kontrolle specialistike!

Imagjinoni, nese ndonjeri prej tyre po te kishte virusin Lia e Majmuneve, ndoshta te gjithe keta paciente do te infektoheshin!”, ka shkruar Berisha në profilin e tij në “facebook”.