Lista Serbe sot ka zgjedhur kryetarin e saj të ri. Zllatan Elek do ta pasojë në këtë pozitë Goran Rakiqin i cili ka drejtuar partinë për disa vite.

Ndërkohë “Srpska Lista” ka bërë publik edhe emrat e kryesisë së re të “Listës Serbe” dhe emrat e nënkryetarëve.

Nën drejtimin e Elek, “Srpska Lista“ do të ketë pesë nënkryetar. Siç ka njoftuar vetë partia, këtë funksion do ta ushtrojnë Dragisha Milovic, Ivan Zaporozhian, Tanja Vujoviq, Dragana Antonijeviq dhe Dalibor Jevtic.

Ndërkohë anëtarë të Kryesisë së Listës Serbe janë zgjedhur: Gordana Saviq, Srdjan Popoviq,  Srgjan Vuloviq,  Nemanja Bisevac, Slavko Simiq, Ivan Todosijeviq, Verica Ceraniq, Sinisha Laziq, Sasha Millosheviq.

Në përbërjen e re nuk figuron emri i Igor Simiqit i cili ka qenë nënkryetar i partisë, ndërkohë që kanë mbijetuar në pozitat që kanë pasur Dalibor Jevtic dhe Slavko Simiq.